Handbók Sólbjarts 2021

1. Almennt
2. Sólbjartur er ræðukeppni Framtíðarinnar. Öllum meðlimum félagsins er heimilt að taka þátt í keppninni, að MORFÍs-liði Menntaskólans í Reykjavík utanskildu.
3. Keppnin er útsláttarkeppni. Í fyrstu umferð skal sitja hjá sá fjöldi liða sem þarf til að í annarri umferð standi eftir fjöldi liða sem er veldi af tveimur (t.d. 8 eða 16).
4. Sólbjartslið
5. Í hverju liði skulu sitja a.m.k. fjórir ræðumenn - liðsstjóri, frummælandi, meðmælandi, stuðningsmaður.
6. Liðsstjóri
7. Liðsstjóri sér um að kynna lið sitt í upphafi hverrar keppni. Liðstjóri sér um að halda utan um svarapakka liðsins og útbúa svör fyrir næstu ræður liðsfélaga sinna.
8. Frummælandi
9. Frummælandi fer með fyrstu ræðu liðsins, fyrir og eftir hlé
10. Fyrri ræða frummælanda skal vera að minnsta kosti tvær mínútur, en ekki lengri en þrjár mínútur. 
11. Seinni ræða Frummælanda skal vera jafn löng og ræður meðmælenda og stuðningsmanna - 1-2 mín.
12. Meðmælandi
13. Meðmælandi flytur aðra ræðu liðsins, fyrir og eftir hlé.
14. Æskilegt er að ræða meðmælenda sé á léttari nótum.
15. Ræður meðmælanda skulu allar vera 1-2 min
16. Stuðningsmaður
17. Stuðningsmaður flytur seinustu ræður liðsins fyrir og eftir hlé.
18. Ræður stuðningsmanns skulu allar vera 1-2 min.

1. Varamaður
2. Lið má hafa einn varamann, þó er það ekki nauðsyn.
3. Varamanni er heimilt að hlaupa í skarð fyrir keppanda svo lengi sem liðið helst óbreytt út keppnina.
4. Keppnishögun
5. Hver ræða skal vera a.m.k. ein mínúta en ekki lengri en tvær, nema fyrri ræður frummælenda en þær skulu vera a.m.k. tvær mínútur en ekki lengri en þrjár.
6. Framtíðarstjórn má velja fundarstjóra en ef lið eru ósátt með valið mega þau semja saman um fundarstjóra.
7. Tímavörður Framtíðarinnar skal sjá um hlutverk tímavarðar á Sólbjartskeppnum en ef tímavörður forfellst er Framtíðarstjórn heimilt að kjósa nýjan tímavörð.
8. Tímavörður skal sjá um að taka upp tíma hverrar ræðu og tilkynna lengd ræða til fundarstjóra þegar ræðu menna hafa lokið ræðum sínum.

1. Dómarar
2. Dómarar skulu vera þrír og valdir af Framtíðarstjórn en ef lið er ósátt með dómaravalið mega þau semja um dómara sín á milli.
3. Dómarar skulu gefa hverjum keppenda einkunn á bilinu einn til tíu fyrir hvern eftirtalinna liða í hverri ræðu og fylla út þar til gert dómblað samkvæmt leiðbeiningum á bakhlið þess.
4. Ræða (fjórfalt vægi)
5. Svör og mótrök (þrefalt vægi)
6. Málflutningur (fjórfalt vægi)
7. Geðþóttastuðull (einfalt vægi)
8. Skemmtanagildi (tvöfalt vægi)
9. Ekki skal gefa fyrir lið ii. í framsöguræðum. Hver dómari deilir með þremur í stigafjölda hverrar ræðu.
10. Dómarar skulu víkja afsíðis í hléi og gæta þess að láta ekkert utanaðkomandi hafa áhrif á dómgreind sína, né skulu þeir hafa áhrif á meðdómendu sína.
11. Fundarstjóri á að safna saman og varðveita blöð dómara og koma þeim til stjórnar Framtíðarinnar. Óski keppnislið eftir því á fundarstjóri að leyfa þeim að yfirfara dómblöð á fundarstað.
12. Oddadómari skal tilkynna úrslit þegar dómarar hafa komið sér að niðurstöðu.